Muassasa haqida

Qarshi Yoshlar texnoparki — Qashqadaryo viloyatidagi yoshlarning innovatsion g‘oyalari, startaplari va zamonaviy kasbiy ko‘nikmalarini rivojlantirishga xizmat qiluvchi zamonaviy innovatsion markazdir. Texnopark Oliy ta'lim, fan va innovatsiyalar vazirligi hamda Innovatsion rivojlanish agentligi tashabbusi bilan tashkil etilgan bo‘lib, 2025-yil 19-iyun kuni rasman ish boshlagan.

Asosiy maqsadi

·        Yoshlarning innovatsion g‘oyalarini qo‘llab-quvvatlash.

·        Startap ekotizimini rivojlantirish.

·        Zamonaviy kasblarga o‘qitish.

·        Yosh tadbirkorlar va ixtirochilarni amaliy loyihalar bilan qo‘llab-quvvatlash.

·        Ilm-fan, ta'lim va biznesni o‘zaro bog‘lash.

Faoliyat yo‘nalishlari

Texnoparkda bir vaqtning o‘zida 400 nafargacha yosh ta'lim olishi mumkin. Quyidagi yo‘nalishlarda zamonaviy kurslar tashkil etilgan:

·        Web dasturlash

·        Robototexnika

·        3D modellashtirish

·        Elektronika

·        Grafik dizayn

·        Video montaj

·        AutoCAD va muhandislik loyihalash

Shuningdek, FabLab laboratoriyasi, Startap Coworking maydoni hamda amaliy tajriba zonalari faoliyat yuritadi.

InnoX biznes-inkubatori

Texnopark tarkibida InnoX biznes-inkubator va akselerator dasturi yo‘lga qo‘yilgan bo‘lib, u:

·        startap g‘oyalarni shakllantirish;

·        biznes model yaratish;

·        mentorlik;

·        investorlar bilan uchrashuvlar;

·        Pitch Day va Demo Day tadbirlarini tashkil etish;

·        loyihalarni tijoratlashtirishga tayyorlash kabi bosqichlarni o‘z ichiga oladi.

Yoshlar uchun imkoniyatlar

Qarshi Yoshlar texnoparki yoshlarni:

·        zamonaviy IT kasblariga o‘qitadi;

·        innovatsion loyihalarni yaratishga yordam beradi;

·        xalqaro AT kompaniyalari bilan hamkorlik qilish imkoniyatini yaratadi;

·        freelancing va eksportbop xizmatlar ko‘rsatishga tayyorlaydi;

·        startaplarni investorlarga taqdim etish imkonini beradi.

Kelgusidagi rivojlanish

Texnoparkda sun'iy intellekt, mexatronika, geologiya, qishloq xo‘jaligi texnologiyalari, raqamlashtirish va boshqa innovatsion yo‘nalishlarda loyihalarni amalga oshirish hamda 20 dan ortiq zamonaviy xizmat turlarini yo‘lga qo‘yish rejalashtirilgan.

Qarshi Yoshlar texnoparki bugungi kunda Qashqadaryo viloyatida innovatsiyalar, startaplar, IT va texnologik tadbirkorlikni rivojlantirish bo‘yicha muhim markazlardan biri hisoblanadi. U yoshlarning bilim va salohiyatini amaliy natijalarga aylantirish, yangi ish o‘rinlari yaratish hamda hududning innovatsion ekotizimini rivojlantirishga xizmat qilmoqda.

 

Hamkor tashkilotlar